قدم البنك التجاري الدولي CIB، عبر موقعه الرسمي على مواقع التواصل الاجتماعي فيس بوك، عددًا من النصائح والمعلومات الهامة لعملائه.
وقال البنك: شوية نصايح مهمة علشان تستخدم تطبيقات التحويل الإلكتروني وانت متطمن!
وأضاف: لما تحول فلوس لأي شخص، اتأكد من بياناته قبل ما تبعتله فلوس، ولو جالك طلب مفاجيء للتحويل من شخص تعرفه، اتصل بيه قبل ما توافق على الطلب علشان تتأكد أن هو اللي باعته.
وأوضح: ولو عايز تستخدم أي تطبيق للدفع، حمّل التطبيق من المتاجر الرسمية زي App Store و Play Store وغيرها، وحاول تقرا كويس أي صلاحيات بيطلبها منك التطبيق، ولو شكيت أنه بيطلب منك صلاحيات أكتر من اللازم، ما تنزلش التطبيق.
وقال: كمان حاول تفعّل خاصية التحديث التلقائي للتطبيقات، علشان يكون عندك آخر نسخة وده بيضمن ليك آمان أكتر لمعاملاتك، وطبعًا متنساش تغيّر الرقم السري لحسابك أول بأول وخليه مش سهل التخمين.
للمزيد: موقع التعمير للتواصل الاجتماعي تابعنا علي فيس بوك التعمير
